Miñato común

Observamos este miñato cando estaba esperando a algún rato pousado nunha estaca.

Ficha:

Miñato

(buteo buteo)

Descrición:

46-58 cm. Sexos iguais en coloración, pero danse variacións na cor da plumaxe que van de parda moi escura a crema; a forma máis común en Galicia ten as partes superiores pardas escuras, así como a cabeza, gorxa e papo; o resto as partes inferiores é máis claro e apencado de pardo en menor ou maior grao; banda pálida cruzando o peito; rabo moi riscado con banda terminal única. A subespecie B. b. vulpinos e moito máis arrubiada e ten o rabo abrancazado sen bandas, pero os inmaturos téñeno barrado no remate. Vértice flexor e ombreiros escuros. Os inmaturos son moi semellantes aos adultos, pero o rabo case sempre carece dunha ancha banda terminal e a cabeza é algo liscada. Alcanza a plumaxe adulta aos 9 meses. En voo caracterízase polas ás anchas que vistas desde abaixo teñen as puntas moi escuras e a metade posterior clara; báteas pausadamente planea en círculos e as veces peneira. A distancia e en voo pode confundirse coa aguia real, pero esta última ten a cabeza mais longa, as ás cuadrangulares e a banda terminal moito máis ancha. O miñato abelleiro ten o rabo máis longo e preto da base do mesmo pola parte inferior, poden verse dúas bandas escuras das que carece a especie descrita, leva a cabeza e o pescozo proxectados cara a fóra e ten a parte inferior das ás máis barrada.

Distribución:

En Galicia é sedentario con algúns invernantes; e a máis común das rapiñas diurnas; aniña en todo o territorio.

Hábitat:

Preferentemente en lugares de arborado que alternen con prados e campos.

Observacións:

Constrúe o niño en grandes árbores, entre 5 e 15 m. Desde mediados de marzo ata xullo pon de 2-3 ovos brancos manchados de pardo que chocan ambos sexos durante 36 días; os polos voan ao cabo  de 45. Aliméntanse fundamentalmente de pequenos mamíferos, de insectos e réptiles. Vese fundalmente pousado en postes de tendido electrico.

(información sacada da guía das aves de Galicia)

Esta entrada foi publicada en Aves, MIñato común. Ligazón permanente.

Unha resposta a Miñato común

  1. Pingback: sentar á sombra, soñar unha historia « fálasme a min?

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s